Déan gearán le hUisce Éireann

Gearán a dhéanamh

Má tá fadhb agat le hUisce Éireann, ba cheart duit:

1. iad a chur in iúl trína bpróiseas i dtaca le déileáil le gearáin
2. mura bhfuil tú sásta lena bhfreagra, féadtar leat gearán foirmeálta a dhéanamh leis an CRF.

Fadhbanna Uisce Éireann

Déileálfaidh Uisce Éireann le fadhbanna maidir le:

• Seirbhís Chustaiméara
• Fuíolluisce
• Méadair
• Sceitheanna
• Sreabhadh agus brú
• Ceangail
• Fadhbanna cuntais
• Fadhbanna Billeála

Caighdeán an uisce nó truailliú

Má tá do ghearán neamhréitithe faoi chaighdeán an uisce nó truailliú, téigh i dteagmháil leis annGníomhaireacht um Chaomhnú Comhshaoil (GCC).

Contact Uisce Éireann

Féadtar leat teagmháil a dhéanamh le hUisce Éireann i mbealaí éagsúla

Ríomhphost:

• Gearáin ghinearálta: customerservice@water.ie
• Gearáin Sheirbhísí Uisce: operations@water.ie
• Gearáin Chustaiméirí Gnóthais business@water.ie
• Gearáin Naisc Nua: newconnections@water.ie

An Post: Uisce Éireann, Bosca Poist 860, Oifig Seachadta Dheisceart Chathair Chorcaí

Teileafón:

• Glao Sábhála 1850 278 278 nó +353 1 707 2828 (tá na línte oscailte 24/7)
• Glao Sábhála Custaiméirí Gnóthais 1850 778 778 nó +353 1 707 2827 (Luan - Aoine 9rn - 5.30in)

Twitter: @IWCare

Minicom: 1890 378 378 (le haghaidh custaiméirí lagéisteachta lena dtrealamh minicom féin)

Leideanna nuair atáthar ag tabhairt faoi ghearán

Molaimid go mba cheart duit do ghearán isteach i scríbhinn tríd an bpost nó trí ríomhphost. Sula ndéanann tú gearán, ba cheart duit:

• smaoineamh ar an toradh atá ag teastáil uait
• smaoineamh ar conas a mhíneoidh tú d’fhadhb
• cibé faisnéis a theastaíonn uait a bhailiú chun tacú le do ghearán lena n-áirítear billí, litreacha, sonraí cuntais, nótaí faoi chomhráite roimhe seo agus aon doiciméid ábhartha eile.

Nuair atáthar ag déanamh gearáin, ba cheart duit:

• uimhir thagartha ghearáin a iarraidh
• cóipeanna de bhundoiciméid amháin a sheoladh
• taifead a dhéanamh d’aon doiciméad
• tabhair faoi deara:
  • do chomhráite leis an soláthraí nó líonra lena n-áirítear ainm agus teideal an duine ar labhair tú leis/léi agus dáta an ghlaoigh
  • aon ghealltanais nó comhaontuithe a dhéanann Uisce Éireann lena n-áirítear gealltanais go gcuirfí glaoch ar ais duit

Próiseas Gearán

Tá sé de dhíth ar Uisce Éireann próiseas gearán soiléir agus simplí a fhoilsiú ar a shuíomh gréasáin. Ní foláir go mbeadh próiseas simplí leagtha amach do chustaiméirí le húsáid nuair atá fadhbanna acu. Le tuilleadh eolais a fháil téigh go dtí suíomh gréasáin Uisce Éireann.